ابوذیّات عجاج الذکریّات
ابعجاج او روج احس روحی تمر بیک
اشحلاتک من ضگت شفتک تمر بیک
عجیبه الشامه البخدّک تمر بیک
الیشوفک ما یرد سالم لبیّه
...
الدهر شنّاطه بیده فاتحالی
ابأمل مشتاق و انطر فاتحالی
عدل و النّاس تقرا فاتحالی
امن اموت اتطیح طرگاعه علیّه
...
ذهب ، لیلو ، جمّرّز منجم اله
او یشع نیران خدّه من جماله
الینظره اعیونه تعمه منجه ماله
او جلب گلبی ابهواه من مر علیّه
...
شکلمک شحترم رایک شخطبک
ششورک شاعتنی ابفکرک شخطبک
شبه بارود بکتارک شخطبک
امن اشخطک تگلب العالم علیّه
...
اتتظاهر نخل و امدلّی تمر بیک
ثمر حنضل خضر منطر تمر بیک
عساک ابضیمی والامی تمر بیک
او تحس بیّه اشکثر حامل اذیّه
...
علی تچمد قهر و اتصب و ناراک
او دویت ابفلتت السانک و ناراک
اشتحصّل من تعذّبنی وناراک
بعد متفید طعناتک بدیّه
...
مثل امّک احن لک چنت وکت اب
تزلزل بالمشاکل علی وک تاب
چنت حاسبلک الف احساب وکتاب
طلعت انا الوفی او ذاتک ردیّه
...
گلبی ما ون الغیرک ون اویاک
شفت واگفلک ابضیجک وانا اویاک
گلت ما توفی واتضرنی واناویاک
نویت اتحوفنی او ترگص علیّه
...
الیضدنی دهور احوالی وز ورک
و اخذ لبّت غصن ثوبک و زورک
بعد ما احب اشوفنّک وزورک
لان خنت الوفه او خنت الحمیّه
...
الگلب ضافک شهد خدّک و شملک
او یریت اللّه یلم شملی وشملک
غیرک من یبارینی وشملک
ابو ، اُم ، اخ ، اخت ، صایر الیّه
...
ولانی الدهر واحبابی جفونی
الگلب بیه نار وایرفّن جفونی
دمع بالعین ما یاجد جفونی
ونینی انتهه او ما ضل حیل بیّه
...
استحی او هوّد طمع شایل بالویاک
خشمک شایله اتزامط بلویاک
اشو منفوخ ما تحچی بلویاک
خرس صایر اشو مترد علیّه
...
امحیّل چنت اعدّنک و جنبک
او ترانی فوگک او حدرک و جنبک
تود ارسل لک احبابی و جنبک
و اطشّر لمّت العالوا علیّه
...
اخی اعطیتک مقام الاب و عینک
او بالشدّات واگف لک و عینک
انا الچنت الک ساعد و عینک
انکرتنی او طعت کل حاقد علیّه
...
احبابی الّی جفونی والحگ الهم
و اون ما فاد ونّی والحگ الهم
یطارش روح گلهم و الحگ الهم
وداع البالچفن یصعب علیّه
...
هلی ابکل ضیج ما ذاکر حمولی
ابعناده ارتخوا ما شالو حمولی
ابجدر حطونی وابناری حمولی
ابکره و ابغدر و ایجلبون بیّه
...
الدهر دگ رمحه بیه او شلت من صاب
اعلی راسی او ضیمه یچلت چلت من صاب
لا فاده عذر لا اصل من صاب
اعلی کیفه او گام یفرس فرس بیّه
...
الدّنیا ازهت ارضهه من سحبنه
تدث للغیر تمطر من سحبنه
یداری اویاچ اهیمن من سحبنه
الامر امرچ فلا یصعب علیّه
...
جاسم ثعلبی (الحسّانی) 06/03/1400
.jpg)
:: برچسب‌ها:
ابوذیّات عجاج الذکریّات ,
:: بازدید از این مطلب : 1384
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
